mai aur tu

ek nami si meri aankho ..me tujh se door hoker rahti hai

ek kami si mere jivan me hai jo mujhse ye kahti hai
ke tujh bin kaise ji rahi hu main kaise saans leti hu
kyu mai har pal teri yaadon ka daaman thaam leti hu
kya hai jo kosish ke baad bhi tu dur nahi ja paata hai
har jagah har samay bus tu hi tu mujhe najar aata hai
milon ka faasla hai humare  beech phir bhi ye judaav kaisa
aankho  ko roshan kar raha hai tera ishq ye ujala kaisa
man ki man se dor bandh jo gayi bina kuch kahe hi
kya kahun mai mujhe to tu kabhi mila hi nahi
ek aas hai tujhse milne ki iss dil me ek vishwaas hai
mujhse milega tu mujhe is baat ki har pal aas hai
kuch na kahungi tujh se milkar mai maun rahungi
bus apni khamoshi se hi mai tujko sab kahungi
samajh lena tum bhi meri wo moook bhasa
aur de dena naino se hi mere dil ko dilasa